تیسرے اور آخری ٹیسٹ میچ کے دوسرے دن کے اختتام پر انگلش ٹیم نے اپنی دوسری اننگز میں 3 وکٹوں کے نقصان پر 24 رنز بنا لیے، اور پاکستان کی پہلی اننگز کا خسارہ پورا کرنے کے لیے انہیں مزید 53 رنز درکار ہیں۔
قومی ٹیم نے پنڈی ٹیسٹ کے دوسرے دن اپنی اننگز 73 رنز پر 3 وکٹوں کے نقصان سے شروع کی، جہاں کپتان شان مسعود اور نائب کپتان سعود شکیل نے 16، 16 رنز کے ساتھ کھیل کا آغاز کیا۔
سعود شکیل نے اس ٹیسٹ کی پہلی اننگز میں سنچری بنائی، جو ان کے ٹیسٹ کیریئر کی چوتھی سنچری ہے۔
پاکستان کی جانب سے عبداللہ شفیق 14، صائم ایوب 19، شان مسعود 26، کامران غلام 3، محمد رضوان 25، سلمان علی آغا ایک، عامر جمال 14، اور نعمان علی 46 رنز بنا کر آؤٹ ہوئے۔
سعود شکیل 134 رنز بنا کر آخری قومی کھلاڑی تھے، جن کے بعد زاہد محمود بھی بغیر کوئی رن بنائے آؤٹ ہو گئے، یوں پاکستان کی پوری ٹیم 344 رنز پر آؤٹ ہوگئی۔
پاکستان نے پہلی اننگز میں 344 رنز بنا کر حریف ٹیم پر 77 رنز کی برتری حاصل کی۔
پنڈی ٹیسٹ میں پاکستان کی گرفت مضبوط ہوگئی ہے، اور دوسرے دن کے اختتام پر انگلینڈ نے 3 وکٹوں کے نقصان پر 24 رنز بنائے ہیں۔
انگلینڈ کو پاکستان کی پہلی اننگز کا خسارہ پورا کرنے کے لیے مزید 53 رنز کی ضرورت ہے، جبکہ اس کی 7 وکٹیں باقی ہیں۔
نعمان علی نے 2 اور ساجد خان نے ایک کھلاڑی کو آؤٹ کیا۔
راولپنڈی میں جاری اس میچ کے پہلے روز انگلینڈ نے ٹاس جیت کر بیٹنگ کا فیصلہ کیا تھا۔