نیشنل الیکٹرک پاور ریگولیٹری اتھارٹی (نیپرا) نے کے الیکٹرک کے صارفین کے لیے بجلی کی قیمت 3 روپے 3 پیسے فی یونٹ بڑھا دی ہے۔
نیپرا کے مطابق یہ اضافہ جولائی 2024 کی ماہانہ فیول پرائس ایڈجسٹمنٹ کی بنیاد پر کیا گیا ہے۔
نیپرا نے اس ضمن میں ایک نوٹیفکیشن بھی جاری کیا ہے، جس کے مطابق یہ اضافی وصولی دسمبر 2024 کے بلوں میں کی جائے گی۔
کے الیکٹرک نے جولائی کی ماہانہ ایڈجسٹمنٹ میں 3 روپے 9 پیسے فی یونٹ کا اضافہ طلب کیا تھا۔
گزشتہ روز نیپرا نے بجلی کی قیمت 86 پیسے فی یونٹ کم کرنے کا اعلان بھی کیا تھا، جو اگست کی ماہانہ فیول ایڈجسٹمنٹ کے تحت کیا گیا۔
نوٹیفکیشن کے مطابق، یہ کمی اکتوبر کے بلوں میں صارفین کو فراہم کی جائے گی، جبکہ جن صارفین کے بل جاری ہو چکے ہیں، انہیں یہ ریلیف نومبر کے بل میں ملے گا۔
نیپرا نے واضح کیا کہ بجلی کی قیمت میں کمی کا اطلاق کے الیکٹرک کے صارفین پر نہیں ہوگا۔