کراچی: چئیرمین پی ایس پی مصطفیٰ کمال نے کہا ہے کہ سندھ حکومت ہماری بات سن رہی ہے، تیسرے درجے حکومت کو مالیاتی اختیارات دینے ہوں گے، اگر ایسا نہ ہوا تو اٹھارہویں ترمیم رول بیک ہوجائے گی۔
چئیرمین پی ایس پی مصطفیٰ کمال نے کراچی میں فوارہ چوک پر جاری دھرنے کے پانچویں روز کارکنان سے خطاب میں کہا کہ ہم یہاں پروٹوکول کیلئے نہیں بیٹھے، ہم نے عام آدمی کے مسائل حل کروانے ہیں۔
مصطفیٰ کمال نے کہا کہ سب نے جشن منالیا لیکن حقیقت یہ ہے اب تک 2021 کا لوکل گورنمنٹ ارڈیننس لاگو ہے، سپریم کورٹ کا فیصلہ آئے تین دن ہوگئے، فیصلہ لاگو ہوگیا جواب نہیں۔
چئیرمین پی ایس پی کا کہنا تھا کہ کاش یہ سپریم کورٹ یہ فیصلہ 3 ماہ قبل دیتی تاکہ اس کیس کا فالو اپ آسانی سے کرلیا جاتا، صوبائی مالیتی کمیشن کیا ہے ہم نے سب کو بتایا، 12سو ارب روپے وزیراعلیٰ کے پاس آتا ہے، ہمارے مطالبات کو نا صرف سنا جا رہا ہے بلکہ انہیں مانا بھی جا رہا ہے۔
