اسلام آباد: قومی سلامتی کے مشیر ڈاکٹر معید یوسف کا کہنا ہے کہ پاکستانی اور چینی قیادت کے درمیان افغانستان کے حوالے سے بھی وسیع تر تبادلہ خیال ہوگا۔
قومی سلامتی کے مشیر ڈاکٹر معید یوسف نے دورہ چین کے حوالے سے پیغام دیتے ہوئے کہا کہ پاکستانی اور چینی قیادت کے درمیان افغانستان کے حوالے سے بھی وسیع تر تبادلہ خیال ہوگا، افغانستان سے امریکی افواج کے انخلاء کے بعد پرامن اور مستحکم افغانستان پاکستان کے لیے انتہائی اہمیت کا حامل ہے۔
ڈاکٹر معید یوسف کا کہنا تھا کہ سی پیک کے ذریعے علاقائی رابطہ ایک بہت بڑا موقع ہے اور دورہ پاک چین کے دوران بات چیت کا اہم عنصر ہوگا، دورہ چین کے دوران پاک چین وفود کے مابین اہم علاقائی امور پر بھی بات چیت ہوگی۔