ملتان: ملک میں بدلتی سیاسی صورتحال میں مہنگائی کی تازہ لہر نے شہریوں کی مشکلات میں اضافہ کر دیا۔ شہر اولیاء میں مرغی کے گوشت کی فی کلو قیمت 400 روپے سے تجاوز کر گئی۔
ملک میں جاری سیاسی گہما گہمی کے دوران مہنگائی کے عفریت نے ایک مرتبہ پھر شہریوں کو اپنی لپیٹ میں لے لیا۔ ملتان شہر اور گردونواح میں برائیلر مرغی کا گوشت 4 سو روپے سے تجاوز کر گیا۔
شہریوں کا کہنا ہے کہ موجودہ حکمران صرف اپنی حکومت کو بچانے کی فکر میں ہیں شہری کس قدر ازیت کا شکار ہے اسکا کسی کو احساس تک نہیں، شہری دو وقت کی روٹی کو ترس گئے ہیں۔
مرغی کا گوشت فروخت کرنے والے قصابوں کا کہنا ہے مرغی کے گوشت کی قیمتوں میں مزید اضافہ ممکن ہے۔ دوسری جانب شہریوں کا کہنا ہے کہ پرائس کنٹرول کمیٹیوں کی نااہلی کے باعث مرغی کے گوشت سمیت اشیائے خوردونوش کی قیمتیں آسمان کو چھو رہی ہیں۔
