محکمہ موسمیات کی کل سے کراچی میں گرمی بڑھنے کی پیشگوئی

کراچی: محکمہ موسمیات نے کل سے گرمی بڑھنے کی پیش گوئی کی ہے۔

تفصیلات کے مطابق محکمہ موسمیات نے کہا ہے کہ کراچی میں آج بھی موسم گرم اور مرطوب رہے گا، کل سے گرمی کی شدت بھی بڑھ جائےگی۔ محکمہ موسمیات کے مطابق کل منگل سے شہر میں درجہ حرارت میں اضافے کا امکان ہے، 11 مئی سے کراچی سمیت اندرون سندھ میں ہیٹ ویو الرٹ بھی جاری کیے جا چکے ہیں۔

محکمہ موسمیات کا کہنا ہے کہ کراچی شہر کا موجودہ درجۂ حرارت 29 ڈگری سینٹی گریڈ ہے، شہر میں 18 کلو میٹر فی گھنٹے کی رفتار سے ہوا چل رہی ہے۔ دن میں درجۂ حرارت 35 سے 37 ڈگری سینٹی گریڈ تک رہے گا، جب کہ دن میں ہوا 20 کلو میٹر فی گھنٹے کی رفتار سے چلے گی۔