پشاور: وزیر اعلیٰ خیبر پختونخوا محمود خان کی خصوصی ہدایت پر پشاور پہنچنے والی چینی شہر کے دکانداروں کو فراہم کرنے کے باوجود چینی کی قیمت 90 روپے تک نہ پہنچ سکی۔
خیبرپختونخوا حکومت کی جانب سے چینی کے نرخوں کو اعتدال پر لانے کی غرض سے سرکاری چینی کی پہلی کھیپ پشاور کے ڈیلروں کو فراہم کرنے کے باوجود کہیں 90 روپے کلو چینی کی فروخت نظر نہیں آئی۔ شہر کے اکثر بازاروں میں کہیں 115 اور کہیں 120 روپے کلو چینی فروخت ہوتی رہی۔
دکانداروں کے مطابق وہ بازار سے عام ڈیلروں سے چینی کی 49 کلو کی بوری پانچ ہزار 500 روپے کلو خرید کر لائے ہیں۔ ڈپٹی کمشنر پشاور کے مطابق سرکاری چینی کو عوام تک رسائی کیلئے تمام ضروری اقدامات کئے گئے ہیں۔