ملتان: ماہ رمضان میں مہنگائی کا جن بے قابو ہونے لگا۔ لیموں کی قیمت 650 روپے سے تجاوز کر گئی جبکہ ٹماٹر بھی 160 روپے فی کلو میں فروخت ہونے لگا۔
ماہ رمضان میں مہنگائی کے طوفان کو کنٹرول کرنا مشکل ہوگیا ہے، سبزیوں میں لیموں اور ٹماٹر کی قیمتوں کو ایسے پر لگے ہیں کہ اس نے دیگر تمام سبزیوں کو پیچھے چھوڑ دیا ہے، ماہ رمضان مین سب سے زیادہ استعمال ہونے والا لیموں 650 روپے فی کلو سے بھی تجاوز کر چکا ہے جبکہ تماٹر 160 فی کلو میں فروخت ہونے لگا ہے۔
لیموں اور ٹماٹر کی بڑھتی ہوئی قیمتوں نے سب کو حیران کردیا ہے۔ شہری کہتے ہیں کہ مہنگائی سے نہ صرف بلکہ متوسط طبقے کے لوگ بھی شدید پریشانی میں مبتلا ہو چکے ہیں۔
شہریوں نے حکومت اور ضلعی انتظامیہ سے سے مطالبہ کیا ہے کہ گراں فروشوں اور ذخیرہ اندوزوں کیخلاف کارروائی کی جائے تاکہ ان کو ماہ رمضان میں سستی اور معیاری اشیاء خوردونوش مل سکے۔