کراچی: سندھ اسمبلی میں آئندہ مالی سال کا بجٹ آج پیش کیا جائے گا، سندھ کے بجٹ کا حجم1700 ارب روپے سے زائد ہونے کا امکان ہے۔
ذرائع کے مطابق سندھ کے بجٹ میں سرکاری ملازمین کی تنخواہوں میں 15 فیصد اضافہ کیا جائے گا جبکہ ریٹائرڈ ملازمین کی پنشن میں 5 فیصد اضافہ ہوگا۔ آئندہ مالی سال کے بجٹ کیلئے 362 ارب روپے سالانہ ترقیاتی پروگرام کیلئے مختص کیے گئے ہیں جبکہ بجٹ میں کوئی نیا ٹیکس نہیں لگایا جائے گا۔
تعلیم کیلئے 326، صحت کیلئے 200،امن و امان کیلئے 132ارب کی رکھنے کی تجویز دی گئی ہے جبکہ بجٹ میں ٹرانسپورٹ کی نئی اسکیمز بھی شامل کرنے کا فیصلہ کیا گیا ہے۔