اسلام آباد: مسلم لیگ ن کے رہنما شاہد خاقان عباسی کا کہنا ہے کہ ملک میں مہنگائی کا طوفان ہے اور عمران خان پاکستان کو امریکا سے سستا ملک قرار دے رہے ہیں، عدم اعتماد کی قرار داد وہاں کامیاب ہوتی ہے جہاں قانون و انصاف کا بول بالا ہو۔
اسلام آباد کی احتساب عدالت کے باہر میڈیا سے گفتگو کرتے ہوئے سابق وزیراعظم شاہد خاقان عباسی کا کہنا تھا کہ ملکی عدالتوں کی صورتحال کے پیش نظر کیمرے لگائے جائیں، چیئرمین نیب کی مدت ملازمت ختم ہوچکی وہ ڈیلی ویجز پر کام کررہے ہیں، اسپیکر قومی اسمبلی پر بلدیاتی انتخابات میں پیسے تقسیم کررہے ہیں۔
انہوں نے کہا کہ جہموریت ہوتی تو استعفیٰ دے دیتے، حکومتی پالیسیوں کے باعث اسٹاک مارکیٹ ڈوب گئی، اسٹیٹ بینک بھی پاکستان کے کنٹرول میں نہیں، صدر صاحب دندان سازی کے معاہدے اور آرڈیننس پاس کرنے میں مصروف ہیں۔
