لاہور: اپوزیشن لیڈر پنجاب اسمبلی حمزہ شہباز کا کہنا ہے کہ اقتدار کے نشے میں دھت حکمرانوں کو کسانوں کے مسائل کا ادراک ہی نہیں ہے، یہ حکومت ملکی معیشت کو ٹھکانے لگانے کے بعد پاکستان کو غذائی بحران میں بھی دھکیل چکی ہے۔
حکومت کی کسان دشمن پالیسیوں قائد حزب اختلاف پنجاب اسمبلی حمزہ شہباز نے گندم کی کاشت کے موقع پر کھاد بحران پر اظہار تشویش کرتے ہوئے کہا کہ کھاد کی ایک ایک بوری کیلئے کسان لائنوں میں لگ کر ذلیل و خوار ہو رہے ہیں، پورے پنجاب میں گندم کی کاشت کے موقع پر کھاد غائب کرنے کے پیچھے کون سا مافیا سرگرم ہے سب کو پتہ ہے، رحیم یار خان ، صادق آباد اور خان پور سمیت جنوبی پنجاب میں کھاد سرے سے غائب ہے۔
حمزہ شہباز نے کہا کہ کسان پورٹل، کسان کارڈ اور کھاد کی قیمتیں کم کرنے کے دعوے عمران خان حکومت کا ایک اور سبز باغ نکلا، ڈی اے پی کی ایک بوری کی قیمت 10 ہزار روپے سے بھی زیادہ ہے جبکہ یوریا کھاد کی بوری کی قیمت دو ہزار 500 روپے ہو گئی ہے۔
اپوزیشن لیڈر پنجاب اسمبلی نے کہا کہ یہ حکومت ملکی معیشت کو ٹھکانے لگانے کے بعد پاکستان کو غذائی بحران میں بھی دھکیل چکی ہے۔
