کراچی: سوئی سدرن گیس کمپنی کی جانب سے ایک بار پھرسی این جی کی بندش کا اعلان کردیا گیا۔
تفصیلات کے مطابق ایس ایس جی سی کی جانب سے ڈھائی ماہ کی بندش کے بعد صرف تین دن سپلائی بحال رہی جس کے بعد 72 گھنٹے بعد پھر سی این جی بندش کا اعلان کردیا گیا۔ سندھ کے تمام سی این جی اسٹیشنزکل صبح 08 بجے سے پیر کی صبح 08 تک بند کرنے کا فیصلہ کیا گیا ہے۔
ایس ایس جی سی کا کہنا ہے کہ بندش کا فیصلہ گھریلو صارفین کی گیس کی ضروریات کوپورا کرنے کیلئے کیا گیا ہے۔ آل سندھ سی این جی ایسوسی ایشن کے چیئرمین سمیر نجمل حسین کا کہنا ہے کہ مہنگی گیس اوربندش صرف سی این جی سیکٹر کو تباہ کرنے کی سازش ہے۔
