راولپنڈی: شمالی وزیرستان کے علاقے بویا میں سیکیورٹی فورسز کی بڑی کامیابی، تحریک طالبان پاکستان کے دو اہم اور انتہائی مطلوب دہشت گرد مارے گئے۔
آئی ایس پی آر کے مطابق کالعدم تنظیم ٹی ٹی پی کے دو اہم مطلوب دہشت گرد ہلاک ہو گئے، ہلاک دہشت گردوں میں کمانڈر رشید اور عبدالسلام شامل ہیں، ہلاک دہشتگردوں سے اسلحہ و گولہ بارود بھی برآمد ہوا۔ آئی ایس پی آر نے بتایا کہ ہلاک دہشتگرد علاقے میں دہشتگردی کی سرگرمیوں میں ملوث تھے۔