کوئٹہ: بلوچستان میں بارش اور سیلاب کے باعث مزید 5 افراد جاں بحق ہو گئے جبکہ صوبے میں جاں بحق ہونے والے افراد کی مجموعی تعداد 207 ہو گئی ہے ۔
پی ڈی ایم اے بلوچستان کے مطابق اب تک جاں بحق ہونے والوں میں 98 مرد ، 48 خواتین اور 61 بچے شامل ہیں ، بارشوں کے دوران حادثات میں 81 افراد زخمی بھی ہوئے ، زخمیوں مین 49 مرد ، 12 خواتین ا ور 20 بچے بھی شامل ہیں ۔
پی ڈی ایم اے بلوچستان کے مطابق صوبے میں 21 ہزار 542 مکانات منہدم ہوئے یا جزوی نقصان پہنچا،670 کلو میٹر پر مشتمل مختلف 6 شاہرات شدید متاثر ہوئیں ، بارشوں کے باعث مختلف مقامات پر 18 پل ٹوٹ چکے ہیں۔