اسلام آباد: وفاقی وزیر فواد چوہدری کا کہنا ہے کہ اس وقت اگر پی ٹی آئی کمزورہوئی توملک بھیڑیوں کے ہاتھ لگ جائیگا۔ جے یوآئی جیسی شدت پسند جماعتیں پی ٹی آئی کا متبادل نہیں ۔
وفاقی وزیر اطلاعات فواد چوہدری نے خیبرپختونخوا کے بلدیاتی انتخابات میں شکست پر کہا ہے کہ پی ٹی آئی قیادت اورکارکنان ذاتی اختلافات پس پشت ڈالیں۔عمران خان کی قیادت میں خود کومنظم کریں۔ انہوں نے سوشل میڈیا پلیٹ فارم ٹوئٹر پر ایک پیغام میں کہا ہے کہ اس وقت اگر پی ٹی آئی کمزورہوئی توملک بھیڑیوں کےہاتھ لگ جائیگا۔جے یوآئی جیسی شدت پسند جماعتیں پی ٹی آئی کا متبادل نہیں۔
Foreign debt payment this year alone is $12.27bn and about same $12.5bn in FY23
— Ch Fawad Hussain (@fawadchaudhry) December 21, 2021
Overall In PTI 5 years total debt payments would be around $55bn vs $27bn paid by PMLN in 5 years #economy
انہوں نے ایک اور ٹویٹ میں قرضوں کی ادائیگیوں کا موازنہ کرتے ہوئے کہا ہے کہ رواں سال غیر ملکی قرضوں کی ادائیگی 12.27 ارب ڈالر ہے۔ آئندہ مالی سال 2023 میں غیر ملکی قرضوں کی ادائیگی 12.5 ارب ڈالر ہوگی۔ پی ٹی آئی کے 5 سال دور حکومت میں مجموعی قرض ادائیگیاں 55 ارب ڈالر ہوں گی۔مسلم لیگ ن نے 5 سالہ حکومت میں 27 ارب ڈالر بیرونی قرضوں کی ادائیگی کی۔