اسلام آباد: چیئرمین تحریک انصاف عمران خان سے وزیراعلیٰ پنجاب چوہدری پرویزالٰہی اور سابق وفاقی وزیر مونس الٰہی کی ملاقات ہوئی۔
بنی گالہ میں ہونے والی ملاقات میں عمران خان نے چوہدری پرویزالٰہی کو وزارتِ اعلیٰ کا منصب سنبھالنے پر مبارکباد دی، جبکہ چوہدری پرویزالٰہی نے عمران خان کے اعتماد پر ان کا شکریہ ادا کیا۔
رپورٹ کے مطابق ملاقات میں ملکی موجودہ سیاسی صورتحال پر تفصیلی گفتگو ہوئی، اس ملاقات میں ڈاکٹر شہباز گل بھی موجود تھے۔