اسلام آباد: سعودی حکومت نے پاکستان کی معاشی مدد کرنے کے لیے 4 ارب 20 کروڑ ڈالرز دینے کا اعلان کیا ہے۔
وفاقی وزیر اطلاعات فواد چوہدری نے سماجی رابطے کی ویب سائٹ ٹویٹر پر بتایا کہ سعودی عرب نے پاکستان کے لیے معاشی امداد کی پیکیج کا اعلان کیا ہے۔ سعودی عرب نے پاکستان کو معاشی پیکج دینے کے لیے 3 ارب ڈالرز سپورٹ فنڈز دینے کا اعلان کیا، یہ رقم پاکستان اسٹیٹ بینک آف پاکستان میں جمع کی جائے گی۔ انہوں نے بتایا کہ سعودی عرب پٹرولیم مصنوعات کی اعانت (تیل کی خریداری) کیلئے 1 ارب 20 کروڑ ڈالرز کے فنڈز فراہم کرے گا۔
Breaking news
— Ch Fawad Hussain (@fawadchaudhry) October 26, 2021
Saudi Arabia announcement support Pakistan with 3 billion US dollar as deposit in Pakistan central bank
and also financing refined petroleum prodcut with 1. 2 billion us dollars during the year https://t.co/z2izW1avIT https://t.co/z2izW1avIT
سعودی عرب کی جانب سے فنڈز موصول ہونے کے بعد پاکستان کےزرمبادلہ ذخائر میں بہتری آئے گی۔ دوسری جانب سعودی عرب کے سرکاری خبررساں ادارے نے بتایا کہ سعودی ترقیاتی فنڈ غیر ملکی کرنسی کے محفوظ اثاثوں میں معاونت اور کرونا وبا سے نمٹنے کے لیے پاکستانی سینٹرل بینک میں 3 ارب ڈالرز جمع کرائے گا۔
ایس پی اے کے مطابق شاہی ہدایت پر فنڈ پاکستانی سینٹرل بینک میں 3 ارب ڈالر ڈپازٹ کیا جائے گا تاکہ پاکستانی حکومت درپیش مسائل کا سامنا کرسکے۔ سعودی ترقیاتی فنڈ کے مطابق شاہی ہدایت پر پاکستان کو تیل کاروبار کی میں ایک ارب 200 ملین ڈالر مالیت کا فنڈ بھی ایک سال کے لیے فراہم کیا جائے گا۔
سعودی ترقیاتی فنڈ نے بتایا کہ یہ رقم شاہی ہدایات برادر ملک پاکستان کی معیشت کو مضبوط بنانے کے سلسلے میں سعودی عرب کے موقف کا پختہ ثبوت ہے، سعودی حکومت ہمیشہ کی طرح اب بھی پاکستان کی معیشت کے استحکام کے لیے اقدامات کررہی ہے۔
واضح رہے کہ وزیراعظم پاکستان عمران خان نے سعودی ولی عہد محمد بن سلمان کی دعوت پر 23 سے 25 اکتوبر تک سعودی عرب کا تین روزہ دورہ کیا ہے۔
