ملتان: صوبائی الیکشن کمشنر پنجاب غلام اسرار خان کا کہنا ہے کہ پنجاب حکومت قانون سازی کا عمل مکمل کر لے تو اپریل کے آخر تک الیکشن کمیشن بلدیاتی انتخابات کرانے کا پابند ہے، ای وی ایم اور آر ٹی ایس کے استعمال پر کمیٹیاں بنادی ہیں۔
ملتان میں میڈیا سے گفتگو کرتے ہوئے صوبائی الیکشن کمشنر غلام اسرار خان کا کہنا تھا کہ الیکشن کمیشن آئندہ سال اپریل تک بلدیاتی انتخابات کرانے کا پابند ہے، جلد ہی حلقہ بندیوں کیلئے کام کا آغاز کر دیا جائے گا، ووٹرز کی تصدیق کے لئے ڈور ڈور ٹو ڈور ویری فکیشن کا عمل شروع کر دیا گیا ہے۔
غلام اسرار خان نے کہا کہ ای وی ایم کے معاملہ پر ابھی کچھ بھی کہنا قبل از وقت ہے، اس معاملے پر کمیٹیاں بنا دی گئی ہیں اور اجلاسوں میں ای وی ایم کے تیکنیکی معاملات پر گفتگو کی جا رہی ہے، ڈی ایچ اے کے آٹھ بلاکس میں آٹھ ہزار ووٹ منتشر ہوگئے ہیں، ووٹرز اپنے شناختی کارڈ پر ایڈریس تبدیل کر کے ووٹ کا اندراج کروائیں۔
