اسلام آباد: وزیر اعظم عمران خان کا کہنا ہے کہ ہم نے دو ہزار اکیس کے اختتام پر سات کروڑ لوگوں کو مکمل طور پر ویکسین لگوانے کا ہدف مکمل کرلیا ہے۔
سماجی رابطے کی ویب سائٹ ٹوئٹر پر اپنے ایک پیغام میں وزیر اعظم عمران خان نے کہا کہ 2021 کے اختتام پر 7 کروڑ لوگوں کو مکمل طور پر ویکسین لگوانے کا ہدف مکمل کر لیا ۔ ہدف کوحاصل کرنے کے لیے وفاقی حکومت نے 250 بلین مالیت کی ویکسین خریدی ۔
وزیراعظم نے کہا کہ کورونا سے بچاؤ کی ویکسین خرید کر صوبوں اور عوام کو مفت میں فراہم کی۔این سی او سی کی جانب سے انتھک محنت اور معاونت پر شکریہ ادا کرتا ہوں ۔ویکسی نیشن کو یقینی بنانے کے لیے وفاقی اور صوبائی انتظامیہ اور حکومتی ٹیموں کے کردار کا مشکور ہوں۔