لاہور: وزیراعلیٰ پنجاب سردار عثمان بزدار کا کہنا ہے کہ ایلیویٹڈ ایکسپریس وے سے لاہور کے شہریوں کی موٹروے تک آسان رسائی ممکن ہوگی،ایلیویٹڈ ایکسپریس وے بننے سے کینال اور ملتان روڈ پر ٹریفک کا دباؤ کم ہوگا۔
الیکٹرک ٹرام وے پراجیکٹ کا جائزہ اجلاس وزیر اعلیٰ آفس میں سردار عثمان بزدار کی زیر صدارت ہوا۔ اجلاس میں گلبرگ سے موٹروے ایم ٹو ایلیویٹڈ ایکسپریس وے کے منصوبے پر پیشرفت کاجائزہ لیا گیا۔
وزیراعلیٰ عثمان بزدار نے ایلیویٹڈ ایکسپریس وے کو ترجیحی بنیادوں پرشروع کرنےکی ہدایت دیتے ہوئے کہا کہ ایلیویٹڈ ایکسپریس وے سے لاہور کے شہریوں کی موٹروے تک آسان رسائی ممکن ہوگی، ایلیویٹڈ ایکسپریس وے بننے سے کینال اورملتان روڈ پر ٹریفک کا دباؤ کم ہوگا، کینال بینک روڈ،جیل روڈ، فیروز پورروڈ،ملتان روڈ،بند روڈپر انٹر چینج بنیں گے۔ ایلیویٹڈ ایکسپریس وے کینال بینک روڈ،جیل روڈ، فیروز پورروڈ،ملتان روڈ،بند روڈسے بابوصابو تک بنے گی۔
عثمان بزدار نے کہا کہ ایلیویٹڈ ایکسپریس وے سے شہریوں کو آمد و رفت میں بے پناہ سہولت میسر آئے گی۔