اسلام آ باد: قومی اسمبلی سیکریٹریٹ نے پی ٹی آئی کے رکن قومی اسمبلی نور عالم خان کو پبلک اکاؤنٹس کمیٹی سے نکالنے کا نوٹیفکیشن جاری کردیا۔ نور عالم خان کو پی اے سی کی سب کمیٹیوں سے بھی فارغ کردیا گیا۔
حکومتی پالیسیز پر تنقیدکرنے والے پی ٹی آئی کے رکن قومی اسمبلی نور عالم خان کو پی اے سی کی سب کمیٹیوں سے بھی فارغ کردیا گیا ۔ قومی اسمبلی سیکرٹریٹ نے پی اے سی سے نکالنے کا نوٹیفکیشن جاری کردیا ہے ۔ پی اے سی سرکلر کے مطابق نور عالم خان کی جگہ ڈاکٹر حیدر علی خان کو رکن بنادیا گیا ہے ۔
حکومتی رکن اسمبلی نے پی اے سی سے نکالنے جانے کے بعد سماجی رابطے کی ویب سائٹ ٹوئٹر پر اپنے پیغام میں کہا ہے کہ تین سال سے پارلیمانی پارٹی اور پارلیمنٹ میں اپنی آواز بلند کر رہا ہوں۔ جن لوگوں نے انہیں ووٹ دیا انہیں انکی کوئی فکر نہیں ہے ، وہ سمجھتے ہیں کہ ہم غلام ہیں اور اپنی آواز بلند نہیں کریں گے تاہم وہ غلطی پر ہیں۔
