اسلام آباد: پیپلز پارٹی کے سینیٹر یوسف رضا گیلانی کی زیر صدارت ایوان بالا میں حزب اختلاف کی جماعتوں کا اجلاس ہوا۔ اپوزیشن نے پارلیمنٹ سے باہر کی پارلیمنٹ کےاندر بھی مشترکہ حکمت عملی اپنانے کا فیصلہ کیا ہے۔
ایوان بالا میں قائد حزب اختلاف پی پی کے سینیٹر یوسف رضاگیلانی کی زیر صدارت اپوزیشن جماعتوں کا اجلاس ہوا جس میں چیئرمین سینیٹ کے رویے کے خلاف اپوزیشن سینیٹرز نے میمورنڈم تیار کرنے کا فیصلہ کیا ہے ۔ میمورنڈم چیئرمین سینیٹ، پارلیمنٹ اور میڈیا کے سامنے پیش کیا جائے گا۔
اجلاس کے بعد سینیٹر عرفان صدیقی اور تاج حیدر کے ہمراہ میڈیا سے گفتگو میں یوسف رضا گیلانی نے کہا کہ آج کے اجلاس میں ایوان بالا کے چیئرمین صادق سنجرانی کے کردار پر بات ہوئی ہے۔چیئرمین سینیٹ کے کردار پر اپوزیشن کے تحفظات ہیں۔ اس معاملے کو ایک میمورنڈم کی شکل میں فائنل کریں گے۔
انہوں نے بتایا کہ اپوزیشن نے پارلیمنٹ کے اندر اور باہرمشترکہ حکمت عملی اپنانے کا فیصلہ کیا ہے۔ اجلاس میں سینیٹر دلاور خان گروپ سے متعلق تحفظات پر قیادت سے تفصیلی بات کرنے کا بھی فیصلہ کیا گیا ہے ۔
