لاہور: وفاقی وزیر توانائی حماد اظہر نے کہا ہے سابق حکومت کی پالیسیوں کی قیمت ہم بھگت رہے ہیں۔ اس وقت ملکی معیشت ترقی کر رہی ہے۔ عوام وزیراعظم کی سچائی اور ان کی دیانتداری کو پسند کرتے ہیں۔
نوناریاں چوک گلشن راوی میں عوامی اجتماع سے خطاب کرتے ہوئے حماد اظہر کاکہناتھاکہ پوری دنیا میں لوگ کرپشن کیخلاف کھڑے ہوتے ہیں۔ پاکستان میں اس وقت ایماندار وزیر اعظم کیخلاف سارے کرپٹ کھڑے ہیں۔ پہلے بھی تحریک انصاف سے اقتدار چھیننے کی کوشش ہوتی رہی ہیں۔
اپوزیشن اس بار بھی حکومت گرانے کے لئے کیلئے اپنی ناکام کوشش کرکے دیکھ لے۔ عمران خان نے جس طرح کورونا سے نمٹا پوری دنیا اس کی معترف ہے۔
ان کا کہنا تھا کہ صرف پاکستان میں نہیں پوری دنیا مہنگائی کا سامنا کررہی ہیں۔ برے حالات کے باوجود ملکی معیشت کے اشاریے مثبت ہیں ۔بجلی مہنگی ہو رہی ہے مانتے ہیں۔ مگر یہ بھی پچھلی حکومتوں کی وجہ سے ہے۔
سابق حکومتیں ایل این جی پر بجلی کی پیداوار منتقل کرگئے جس کی بڑھتی قیمتوں کا خمیازہ ہم بھگت رہے ہیں ۔اس وقت ہم ملک میں آٹھ نئے ڈیم تعمیر کررہے ہیں۔ ہم سولر اور ہائیڈل پاور کی طرف ملک کو واپس لے جارہے ہیں۔
حماد اظہر کا مزید کہناتھاکہ عمران خان نے چین کا کامیاب دورہ کیا۔ دورہ روس بھی تاریخ رقم کرے گا۔ ایسا نہیں ہوسکتا کہ باہر پیڑولیم نرخ بڑھیں اور ہم نہ بڑھائیں۔ حکومت مدت بھی پورے کرے گے اوردو ہزار اٹھائیس تک بھی حکومت بنائے گی ۔آئندہ بلدیاتی انتخابات میں بھی تحریک انصاف کامیابی حاصل کرے گی ۔
تحریک انصاف ٹھگوں کی نہیں بلکہ نظریاتی لوگوں کی جماعت ہے ۔ رائے ونڈ کے باسیوں کو چھینک آتی ہے تو لندن علاج کیلئے چلے جاتے ہیں ۔عمران خان نے قومی صحت کارڈ کی صورت غریب عوام کو انقلابی سہولت فراہم کی ہے۔
