اسلام آباد: پاکستانی سفارت خانے نے روس کےیوکرین پر حملے کے بعد پاکستانی طلبہ کوجلد وطن واپس پہنچنے کی ہدایت کردی ۔
پاکستانی سفارتخانے کی جانب سے یوکرین کی وزارت تعلیم کولکھے گئے خط میں کہا گیا ہے جب تک یوکرین میں صورتحال دوبارہ معمول کے مطابق نہیں آ جاتی ہے تعلیمی ادارے طلبہ آن لائن کلاسز فراہم کریں ۔ سفارتخانے نے یوکرین میں موجود پاکستانی طلبہ سے خود کو سفارتخانے میں رجسڑ کروانے کی بھی ہدایت کی ہے۔
پاکستانی سفارتخانے نے یوکرین کے حالات بہتر ہونے تک طلبہ اپنی کلاسز آن لائن جاری رکھنے کی بھی ہدایت دی ۔ خط کے ذریعے پاکستانی طالب علموں جو کہ ابھی پاکستان سے یوکرین نہیں پہنچے ہیں انہیں بھی ہدایت کی ہے کہ وہ حالات کی بہتری تک پاکستان میں ہی رہیں۔ یوکرین میں موجود پاکستانی طلبہ کی تعداد تین ہزار کے قریب ہے۔
