احسن اقبال کا عمران خان کو فوری نااہل کرنے کا مطالبہ

اسلام آباد: مسلم لیگ ن کے رہنما احسن اقبال نے الیکشن کمیشن سے عمران خان کو فوری نا اہل کرنے کا مطالبہ کر دیا ۔

الیکشن کمیشن کے باہر میڈیا سے گفتگو کرتے ہوئے لیگی رہنما احسن اقبال کا کہنا تھا کہ پی ٹی آئی نے سینکڑوں اکاؤنٹس الیکشن کمیشن سے چھپائے۔ الیکشن کمیشن عمران خان کی چوری پر فوری نااہل قرار دے ۔ الیکشن کمیشن نے دیر کی تو ملک میں انتشار پھیلے گا۔

ان کا کہنا تھا کہ نواز شریف کو اس بات پر نااہل کیا گیا کہ انہوں نے اپنے بیٹے سے 10ہزار درہم تنخواہ لی مگر اثاثوں میں ظاہر نہیں کی۔ عمران خان نے بیرون ملک پاکستانیوں کو ورغلا کر ان سے کروڑوں روپے اکٹھے کیے۔

ان کا کہنا تھا کہ عدلیہ سے مطالبہ کرتا ہوں کہ اس جھوٹے ، الزام تراشی کرنے والے سیاستدان کا حساب کیا جائے۔ پاکستان میں جس درجے کی الزام تراشی ،دوسروں کو جھوٹ کہنے کی سیاست عمران خا ن نے کی اس کی مثال نہیں ملتی۔