اسلام آباد: انتظامیہ نے این او سی کی شرائط کی خلاف ورزی پر جے یو آئی ف کو شوکاز نوٹس جاری کردیاہے۔
اسلام آباد انتظامیہ نے این او سی کی شرائط کی خلاف ورزی پر جمعیت علمائے اسلام (ف ) کو دوسرا شوکاز نوٹس جاری کردیا ہے ۔شوکاز نوٹس جے یو آئی کارکنوں کی جانب سے سرینگر ہائی وے کو بند کرنے پر دیا گیا ہے۔
ڈپٹی کمشنر اسلام آباد کی جانب سے جاری کیے گئے شوکاز نوٹس میں کہا گیا ہے کہ این او سی کی شرائط میں سرینگر ہائی وے کو بند نہ کرنا شامل تھا جبکہ جے یو آئی ف کے کارکنوں نے سڑک کو بند کیا ہوا ہے۔شوکاز نوٹس میں کہا گیا ہے کہ 24 گھنٹوں کے اندر جواب نہ دینے پر مقدمہ درج ہوسکتا ہے۔