واشنگٹن: امریکا میں موسم کی خبر پڑھنے والے ایک اینکر اس وقت سوشل میڈیا پر وائرل ہوگئے جب انہوں نے لائیو نشریات کے دوران اپنے اہلخانہ کو فون کرکے طوفان کے آنے سے خبردار کیا۔
نیویارک پوسٹ کے مطابق اینکر ڈگ کیمرر کا تعلق واشنگٹن سے ہے جنہوں نے ورجینیا میں رہائش پذیر اپنی فیملی کو براہِ راست نشریات کے دوران کال کرکے طوفانی آندھیوں سے خبردار کیا۔ ڈگ کیمرر نے اپنے ٹویٹ اکاؤنٹ میں بتایا کہ ہمیں خطرناک موسم کی اطلاع پہلے ہی مل جاتی ہے جس پر میں اپنے اہلخانہ کو پہلے ہی میسج کردیتا تھا تاہم اس بار میں نہیں کرپایا۔
An EF-0 tornado impacted a small area in Tysons Corner, Virginia last night. For more information visit https://t.co/3Aetnvysh7. pic.twitter.com/kqco7ecXXQ
— NWS Baltimore-Washington (@NWS_BaltWash) April 1, 2022
میری اہلیہ گھر پر نہیں تھیں صرف بچے تھے جنہیں میں نے خبردار کیا اور کہا کہ وہ فوراً نچلے زینے کے بیڈروم میں چلے جائیں اور وہاں 10 سے 15 منٹ رہیں۔ ٹویٹر صارفین کی جانب سے رپورٹر کے اس اقدام کی حمایت کی گئی۔ ایک صارف کا کہنا تھا کہ ہمیں خوشی ہوئی کہ اب آپ کے بچے محفوظ ہیں۔
اسی طرح دوسرے صارف کا کہنا تھا کہ آپ نے صحیح کیا، فیملی پہلی ترجیح ہے۔ مشیل اے ہورٹن نامی صارف نے تبصرہ کرتے ہوئے لکھا کہ اینکر کا اپنے بچوں کو خطرناک موسم سے خبردار کرنا، اس سے پتہ چلتا ہے کہ واقعی طوفان آنے والا ہے۔
