کوئٹہ: بلوچستان میں نئے قائد ایوان کیلئے آج کاغذات نامزدگی جمع ہوں گے۔ صبح 10 بجے سے شام 05 بجے تک کاغذات نامزدگی وصول کیے جائیں گے۔
تفصیلات کے مطابق جام کمال کے وزیراعلیٰ کے منصب سے مستعفی ہونے کے بعد بلوچستان کی سیاست میں گہما گہمی شروع ہوگئی ہے۔
نئے قائد ایوان کیلئےآج کاغذات نامزدگی جمع ہوں گے، صبح 10بجے سے شام 5 بجے تک کاغذات نامزدگی وصول کیے جائیں گے، تاہم نئے قائد ایوان کا انتخاب 29 اکتوبر صبح 10بجے اسمبلی اجلاس میں ہوگا، 29 اکتوبر کو ہی شام کو گورنر منتخب وزیراعلیٰ سے حلف لیں گے۔