اسلام آباد: وزیر خارجہ بلاول بھٹو زرداری 17مئی کو امریکا کے دورے پر روانہ ہوں گے ، جہاں ان کی امریکی قیادت سے اہم ملاقاتیں ہوں گی۔
تفصیلات کے مطابق وزیرخارجہ بلاول بھٹو 17مئی کو امریکہ کا دورہ کریں گے ، اس حوالے سے ترجمان دفترخارجہ کی جانب سے بیان میں کہا گیا یے کہ دورے کے دوران بلاول بھٹو کی امریکی قیادت سے اہم ملاقاتیں ہوں گی ، اٹھارہ مئی کو سیکریٹری این ٹونی بلنکن سے ملاقات کریں گے۔
ایک سوال کے جواب میں ترجمان کا کہنا تھا کہ پندرہ مئی کو نئِی دہلی میں بھارت کی میزبانی میں شنگھائِی تعاون تنظیم کی انسداد دہشت گردی پر ماہرین کا اہم اجلاس ہوگا، جس میں دفترخارجہ اعلی حکام اور ماہرین پر مشتمل وفد شرکت کرے گا۔ ترجمان نے نئِی افغان حکومت سے ایک بار پھر مطالبہ کیا کہ وہ اپنی سرزمین پاکستان استعمال نہ ہونے دے، ٹی ٹی پی سمیت تمام دہشت گرد گرہوں کے خلاف بلاامتیاز کاروائِی عمل میں لائی جائے، پاکستان نے ماضی کی حکومتوں پر بھِی بار بار دہشت گردی روکنے بارے زوردیتا رہا ہے۔
انہوں نے کہا پاکستان بھارت سمیت تمام پڑوسی ممالک کے ساتھ دوستی کا خواہاں ہے تاہم نتیجہ خیز مذاکرات کے لئے اب نئی دہلی کی ذمہ داری ہے کہ سازگارماحول پیدا کرے۔ ترجمان کا کہنا تھا کہ اکستان بھارت میں شنگھائِی تعاون تنظیم کے انسداد دہشت گردی ماہرین کے اجلاس میں شرکت کرے گا، پاکستان بھارت کے بامقصد مذاکرات کا خواہاں ہے، بھارت سازگار ماحول پیداکرے
