پاکستان کرکٹ ٹیم کولمبوسے گال روانہ ہوگئی جہاں سری لنکا کے خلاف آئی سی سی چیمپئن شپ کا پہلا ٹیسٹ ہفتے سے شروع ہوگا۔ دونوں کپتان جمعہ کوپریس کانفرنس اور ٹرافی کی رونمائی کریں گے۔ پاکستان ٹیم آج سہ پہرگال اسٹیڈیم میں پریکٹس کرے گی۔
تین روزہ وارم اپ میچ ڈراہونے کے بعد پاکستان کرکٹ ٹیم کولمبوسے گال روانہ ہو گئی۔ پاکستان اورسری لنکا آئی سی سی ٹیسٹ چیمپئن شپ کا پہلا میچ ہفتے سے گال میں شروع ہوگا۔ سیریز کادوسرا ٹیسٹ چوبیس جولائی سے کولمبو میں شیڈول ہے۔ جمعہ کوبابراعظم اورمیزبان کپتان دیموتھ کرونارتنے مشترکہ پریس کانفرنس اور ٹرافی کی رونمائی کریں گے۔
قومی کرکٹ ٹیم آج اور جمعہ کوگال انٹرنیشنل اسٹیڈیم میں نیٹ پریکٹس کرے گی۔ جس میں کھلاڑی کوچز کی نگرانی میں بیٹنگ، بولنگ اورفیلڈنگ کی مشقیں کریں گے۔ آئی سی سی ٹیسٹ چیمپئن شپ میں پاکستان چوتھے اورسری لنکا تیسرے نمبر پرہے سیریزمیں چوبیس پوائنٹس دستیاب ہیں۔
