کراچی: پاکستان پیپلز پارٹی کے شریک چیئرمین آصف علی زرداری نے کہا ہے کہ سیاسی جماعتوں اور اسٹیبلشمنٹ کے تعلقات میں وقت کے ساتھ بہت بہتری آئی ہے،انہوں نے کہا کہ وقت کے ساتھ ان تعلقات میں مزید بہتری آئے گی، سب کا مقصد ملکی ترقی اور جمہوریت کی مضبوطی ہے۔ ہم سب نے وقت سے بہت کچھ سیکھا ہے۔
کراچی میں صوبائی وزرا سے ملاقات کے دوران آصف علی زرداری نے کہا کہ اتحادی حکومت، اسٹیبلشمنٹ اور عدلیہ سب کو مل کر آئین کی پاسداری کرتے ہوئے ملک کو بحران سے نکالنا ہے۔ ملک کو اس بحران میں عمران خان چھوڑ کر گیا، پی ٹی آئی دور صحافت کے لحاظ سے سیاہ دور رہا ہے۔
آصف علی زرداری نے یہ بھی کہا کہ کاش عمران خان کو صحافیوں کے حقوق کا خیال اپنے دور حکومت میں بھی آجاتا، پیپلز پارٹی کے دور حکومت میں ہمیشہ صحافیوں کو آزادی ملی اور ملتی رہے گی۔
