مسلم لیگ ن کی نائب صدر مریم نواز نے الیکشن کمیشن کی جانب سے ممنوع فنڈنگ کیس کے فیصلے پر ردعمل میں کہا کہ قوم کو غلامی سے نجات کا بھاشن دینے والا خود بیرونی طاقتوں کا غلام ثابت ہوا۔ اس فارن ایجنٹ کو پاکستان کی ترقی کو روکنے، سی پیک کے خاتمے کےلیے لانچ کیا گیا تھا۔
پاکستان مسلم لیگ ن کی نائب صدر مریم نواز شریف نے فارن فنڈنگ کیس کے فیصلے پر اپنے ٹویٹ میں تبصرہ کرتے ہوئے کہا ہے کہ قوم کو غلامی سے نجات کا بھاشن دینے والا خود بیرونی طاقتوں کا غلام ثابت ہوا۔ان سے پیسہ لیتا رہا اور اس پیسے کو ملک میں فتنہ فساد اور بربادی کے لیے خرچ کرتا رہا۔
ان کا کہنا تھا کہ اس فارن ایجنٹ کو پاکستان کی ترقی کو روکنے،سی پیک کے خاتمے کےلیے لانچ کیا گیا تھا۔ فیصلے سے سرشرم سے جھک گیا، ٹویٹ کے ذریعے اپنے رد عمل میں مریم نواز کا کہنا تھا کہ فتنہ خان پاکستان کا پہلا اور واحد سیاستدان ہے جو ایک ہی فیصلے میں ناقابل تردید ثبوتوں کے ساتھ بیک وقت جھوٹا، کرپٹ، منی لانڈرر اور بیرونی قوتوں کے ایماءپر کام کرنے والا ثابت ہوا ہے۔ اس کا اپنا ہی بنایا ہوا جھوٹا ایمانداری اور حب الوطنی کا بت آج اوندھے منہ گر گیا۔ آخر میں ان کا کہنا تھا کہ ”بیشک اللّہ ہی حق ہے۔