بلوچستان اور سندھ میں جولائی میں مون سون کے پہلے ماہ میں بارشوں کا 62 سالہ ریکارڈ ٹوٹ گیا۔
محکمہ موسمیات نے پاکستان کی ماہانہ موسمیاتی رپورٹ جاری کردی۔ بلوچستان اور سندھ میں جولائی میں مون سون کے پہلے ماہ میں بارشوں کا 62 سالہ ریکارڈ ٹوٹ گیا۔ رپورٹ کے مطابق ملک بھر میں 181 فیصد زائد بارشیں ہوئی ہیں۔
صوبوں کے لحاظ سے بلوچستان میں سب سے زیادہ 405 فیصد اور سندھ میں 308 فیصد معمول سے زائد بارشیں ہوئیں۔ پنجاب میں 116 فیصد، گلگت بلتستان 32 فیصد اور کے پی کے میں 30 فیصد معمول سے زائد بارشیں ہوئیں۔ طوفانی بارشوں کے سبب بلوچستان اور سندھ میں سیلابی صورتحال پیدا ہوئی۔
