چیئرمین پیپلز پارٹی بلاول بھٹو زرداری نے وزیراعلٰی سندھ کے ہمراہ ٹیکنالوجی کالج میں بارش متاثرین کے لیے قائم ریلیف کیمپ دورہ کیااور چیف سیکرٹری کو ہدایت کی کہ متاثرین کو ان کی مرضی کے مطابق کچا یا پکا ہوا کھانا دیا جائے۔
بلاول بھٹو زرداری نےلاڑکانہ میں قائم بارش متاثرین کے ریلیف کیمپ کا دورہ کیا انہوں نے سیلاب متاثرین کے مسائل دریافت کیے اور متاثرین کو یقین دہانی کرائی کہ حکومت سندھ ان کی بھرپور مدد کرے گی اور ان کا ہر طرح سے خیال رکھا جائے گا۔
بلاول بھٹو نے متاثرین کو دوبارہ آباد کاری میں بھی مدد کی یقین دہانی کرائی بعد ازاں نظر محلے میں بھی بلاول بھٹو زرداری نے متاثرین سے ملاقات کی، جہاں لوگوں کی بڑی تعداد نے چیئرمین پیپلز پارٹی محبت کا اظہار کیا اور اپنی مشکلات سے آگاہ کیا۔