اسلام آباد: امریکی سینیٹ کی خارجہ تعلقات کمیٹی کے اقلیتی اسٹاف ڈائریکٹر کرس سوچا کی سربراہی میں امریکی وفد نے قومی سلامتی کے مشیر ڈاکٹر معید یوسف سے ملاقات کی۔
امریکی وفد سے ملاقات میں افغانستان کی صورتحال پر تبادلہ خیال کیاگیا۔ اس موقع پر ڈاکٹر معید یوسف نے کہا کہ پاکستان ہمیشہ کہتا رہا ہے کہ افغانستان کا کوئی فوجی حل ممکن نہیں، افغانستان کو کسی بھی تباہی سے بچانے کیلئے انسانی بنیادوں پرفوری امداد فراہم کی جانی چاہیے، مستحکم اور پرامن افغانستان پاکستان کے بہترین مفاد میں ہے۔
ملاقات میں مثبت سمت میں آگے بڑھنے اور دوطرفہ تعلقات کو بہتر بنانے کیلئے تمام شعبوں میں مل کر کام کرنے پر اتفاق کیاگیا۔