اسلام آباد: ملک میں کورونا سے اموات کا سلسلہ جاری ہے، گزشتہ چوبیس گھنٹے کے دوران مزید دو افراد جاں بحق، 359 نئے کیسز رپورٹ ہوئے ہیں۔
این سی او سی کے مطابق کورونا سے مجموعی اموات کی تعداد 28 ہزار 907 ہو گئی جبکہ ایکٹو کیسز کی تعداد 9ہزار 674 ہے، پاکستان میں 12 لاکھ 93 ہزار 440 افراد کورونا سے متاثر ہوئے، 12لاکھ 54 ہزار 859 افراد صحت یاب ہو چکے ہیں۔
اعداد و شمار کے مطابق ملک بھر میں 359 نئے کیسز رپورٹ ہوئے ہیں جبکہ کورونا مثبت کیسز کی شرح صفر اعشاریہ چھ آٹھ فیصد ریکارڈ کی گئی۔