پی آئی اے کے بیڑے میں ایک اور ایئر بس کا اضافہ

کراچی: قومی ایئر لائن پی آئی اے کے فضائی بیڑے میں ایک اور ایئر بس کا اضافہ ہوگیا۔ لیز پر حاصل کردہ ائیربس 320 اسلام آباد پہنچ گیا۔ائیربس 170 نشستوں پر مشتمل ہے۔

پاکستان ایئر انٹر نیشنل نے اپنے فضائی بیڑے میں مزید اضافہ کرلیا ہے ۔ پی آئی اے کی جانب سے لیز پر حاصل کردہ 170 نشستوں والا ائیربس اسلام آباد پہنچ گیا ہے ۔ یہ طیارہ 4 برس پہلے بنایا گیا۔4 طیارے منتخب کئے گئے ہیں جن میں پہلا طیارہ پاکستان پہنچ گیا ہے۔ 3 طیارے چند ماہ میں پی آئی اے کے بیڑے کا حصہ بنیں۔

نئے طیاروں کی شمولیت سے پی آئی اے کے شیڈول آپریشن مزید ہموار ہونگے جبکہ مسافروں کو بہتر سفری سہولیات فراہم ہوں گی۔