اسلام آباد: پاکستان کى جانب سے افغانستان کے زلزلہ متاثرین کے لیے امدادی سامان کی دوسری کھیپ روانہ کردی گئى،امدادی سامان کی دوسری کھیپ افغان ناظم الامورسردار محمد شکیب کے حوالے کی گئی جس میں خیمے اور اشیائے خوردونوش شامل ہیں ۔
وفاقی وزیرسیفران محمد طلحہ محمود نے حکومت پاکستان کی جانب سے افغانستان کے زلزلہ متاثرین کے لیے امدادی سامان کی دوسری کھیپ افغان ناظم الامورسردارمحمد شکیب کے حوالے کی۔ ترجمان کے مطابق نیشنل ڈیزاسٹر مینجمنٹ اتھارٹی کی دوسری امدادی کھیپ میں فیملی خیمے اور اشیائے خوردونوش شامل ہیں، جسے پی اے ایف سی130 ایئر کرافٹ کے ذریعے روانہ کیا گیا ہے افغان ناظم الامور نے زلزلہ زدگان کے لیے فوری طور پر امداد بھجوانے پر پاکستانی حکومت کا شکریہ ادا کیا۔وزیر اعظم پاکستان کی ہدایت پر این ڈی ایم اے نے افغانستان میں زلزلہ متاثرین کے لئے امدادی سامان کی پہلی کھیپ 23 جون 2022 کو بذریعہ روڈ بجھوا دی تھی ۔
