کابل: افغان حکومت نے خواتین کو کرکٹ کھیلنے کی اجازت دے دی۔ خواتین کرکٹ ٹیم اسٹیڈیم میں کرکٹ کھیل سکیں گی اور عالمی مقابلوں میں حصہ لے سکیں گی۔
افغان میڈیا کے مطابق ترجمان طالبان حکومت نے ایک بیان کہا ہے کہ خواتین کے اسپورٹس کھیلنے پر کوئی پابندی نہیں۔ افغان کرکٹ بورڈ کے عبوری چیئرمین میروائزاشرف نے ایک اجلاس کے دوران کہا کہ خواتین کے اسپورٹس کھیلنے پر کوئی پابندی نہیں۔ خواتین اسٹیڈیم جاکر کرکٹ کھیل سکتی ہیں۔ اور ان کی بنیادی ضروریات پورا کرنے کی کوشش کی جارہی ہے۔