اسلام آباد کے ایک بین الاقوامی فوڈ چین ریسٹورنٹ میں احسن اقبال سے بدتمیزی کرنے والے اہلِ خانہ نے احسن اقبال سے معذرت کرلی۔ اس حوالے سے مسلم لیگ (ن) کے سیکریٹری جنرل اور وفاقی وزیر منصوبہ بندی احسن اقبال نے ٹوئٹر پر ایک پیغام بھی جاری کیا جس میں انہوں نے اس سے متعلق تفصیلات بتائیں۔
احسن اقبال کا کہنا تھا کہ بھیرہ واقعہ میں ملوث فیملی نے نارووال آکر ملاقات میں اپنے عمل پر معذرت کی ہے۔ اس فیملی کے افراد نے پچھتاوے اور شرمندگی کا اظہار کیا ہے۔ میں پہلے ہی ان کے خلاف قانونی چارہ جوئی نہ کرنے کا اعلان کرچکا تھا۔ احسن اقبال نے یہ بھی کہا کہ ہم سب پاکستانی ہیں ایک دوسرے سے اختلاف کے حق کو نفرت میں تبدیل نہیں کرنا ہے، باہمی احترام قائم رکھنا ہے۔