آرمی چیف سے امریکی سینٹکام کمانڈر نے ون آن ون ملاقات کی ہے۔ ملاقات میں علاقائی سلامتی اور استحکام، دفاعی اور سیکیورٹی تعاون پر تبادلہ خیال کیا گیا ہے۔
امریکی سینٹکام کمانڈر کی وفد کے ہمراہ جی ایچ کیو آمد جہاں امریکی سینٹکام کمانڈر نے آرمی چیف سے ون آن ون ملاقات کی۔ ملاقات میں علاقائی سلامتی اور استحکام، دفاعی اور سیکیورٹی تعاون پر تبادلہ خیال کیا گیا۔ انسداد دہشتگردی اور افواج کے تربیتی پروگرام پر بھی بات کی گئی۔ عسکری قیادت کے مابین وفود کی سطح پر بھی ملاقات ہوئی۔
امریکی سینٹکام کمانڈر نے انسداد دہشتگردی اور علاقائی امن و استحکام کیلئے پاک فوج کے کردار کو سراہا۔ بعد ازاں امریکی فوجی وفد نے آرمی میوزیم کا بھی دورہ کیا۔