اسلام آباد: آرمی چیف جنرل قمر جاوہد باجوہ نے کھاریاں میں کورکی سطح کی تربیتی مشقوں کا مشاہدہ کیا۔
آئی ایس پی آر کے مطابق آرمی چیف نے وار گیمز کے آپریشنل پہلووں کا مشاہدہ کیا، مشقوں میں فارمیشن کی آپریشنل تیاریوں، دفاعی و جارحانہ ٹاسک مکمل کیے۔ مشقوں میں جدید ویپن سسٹم، وی ٹی فو ٹینک اور لڑاکا طیاروں کی سپورٹ شامل رہی۔
ترجمان پاک فوج کا کہنا تھا کہ آرمی چیف نے جوانوں کی تیاریوں اور پیشہ وارانہ مہارتوں کو سراہا۔ آرمی چیف نے وی ٹی فور ٹینکوں کی شمولیت اور کارکردگی پر اطمینان کا اظہار کیا۔
اس موقع پر آرمی چیف جنرل قمر جاوید باجوہ نے کہا امن کے دور میں حقیقی تربیت جارحیت سے نمٹنے میں مدد دیتی ہے، آپریشنل ڈرلز کی پریکٹس خطرات کا جواب دینے کی صلاحیت بڑھاتی ہے۔
آرمی چیف کی آمد پر کور کمانڈر لیفٹیننٹ جنرل شاہین مظہر محمود نے استقبال کیا۔
