امریکہ اور جنوبی کوریا نے آج سے مشترکہ فوجی مشقیں شروع کردی ہیں۔ جنگی طیارے، بحری جہاز اور ٹینک شامل ہیں۔
غیرملکی خبرایجنسی کے مطابق امریکہ اور جنوبی کوریا نے اپنی سالانہ مشترکہ فوجی مشقوں کا آغازکردیا۔ موسم گرما میں ہونے والی ان مشقوں کو ‘الچی فریڈم شیلڈ’ کہا جاتا ہے۔ اس بڑی فوجی تربیت اور مشقوں کا آغاز ایک ایسے وقت ہوا ہے، جب جزیرہ نما کوریا میں کشیدگی میں پھر سے اضافہ دیکھا گیا ہے۔
ان فوجی مشقوں میں ہزاروں فوجی شامل ہوں گے اور بری، بحری اور فضائی افواج کو یکجا کیا جائے گا۔ الچی فریڈم شیلڈ آئندہ یکم ستمبر تک جاری رہیں گی۔