حکومت پاکستان اور اقوام متحدہ کے اشتراک سے پاکستان فلڈ رسپانس پلان کا اجرا آج (تیس اگست) کو کیا جائےگا۔ وزیر خارجہ بلاول بھٹو وزارت خارجہ میں تقریب سے خصوصی خطاب کریں گے۔
ترجمان دفتر خارجہ عاصم افتخار کے جاری کیئے گئے بیان کے مطابق پاکستان فلڈ رسپانس پلان کا اجرا حکومت پاکستان اور اقوام متحدہ کے اشتراک سے آج (30 اگست) کو کیا جائےگا۔ ایف آر پی کی لانچنگ تقریب اسلام آباد اور جنیوا میں بیک وقت ہوگی۔وزیر خارجہ بلاول بھٹو وزارت خارجہ میں تقریب سے خصوصی خطاب کریں گے۔ تقریب میں اقوام متحدہ سیکریٹری جنرل انتونیو گوئتریس کا ویڈیو پیغام چلایا جائے گا۔ وفاقی وزیر برائے منصوبہ بندی احسن اقبال بطور ریلیف کوآرڈینیشن کمیٹی چیئرمین تقریب سے خطاب کریں گے۔
عاصم افتخار کے بیان کے مطابق ایف آر پی این ڈی ایم اے سے مشاورت کے بعد ترتیب دیا گیا ہے۔ چیئرمین این ڈی ایم اے لیفٹننٹ اختر نواز اجلاس کے شرکا کو سیلاب کے نقصانات اور متاثرین کے حوالے بریفنگ دیں گے۔