اسلام آباد: پاکستان پیپلز پارٹی کے چیئر مین بلاول بھٹو زرداری کا کہنا ہے کہ عوام کمر کس لیں، مہنگائی اور بے روزگاری کی ذمہ دار سرکار کے خلاف اب کھلی مزاحمت ہوگی۔
چیئرمین پیپلز پارٹی بلاول بھٹو زرداری کی سربراہی میں گلگت بلتستان ایگزیکٹوز کا زرداری ہاؤس میں اجلاس ہوا۔ اجلاس میں گلگت بلتستان کی قیادت نے شرکت کی۔
اجلاس میں بلاول بھٹو کو گلگت بلتستان کے پی پی پی عہدیداران نے خطے کی سیاسی صورت حال سے آگاہ کیا گیا۔ اجلاس میں پی پی پی گلگت بلتستان کے عہدیداران کی سینٹرل ایگزیکٹو کمیٹی اور فیڈرل کونسل کے فیصلوں کی توثیق کی گئی۔ پی پی گلگت کے عہدیداران نے لانگ مارچ کی تیاریوں کے حوالے سے آگاہ کیا۔
اس موقع پر بلاول بھٹو زرداری کا کہنا تھا کہ پیپلزپارٹی کا لانگ مارچ ملک کے عام آدمی کی آواز ہے۔ ملک بھر کے عوام 27 فروری کو نکلیں گے اور عمران خان کی حکومت کے خلاف اپنا فیصلہ سنائیں گے، عوام کو ایسی حکومت نہیں چاہیے جو ان کے گھروں کے چولہے تک بجھادے۔ عوام کمر کس لیں، مہنگائی اور بے روزگاری کی ذمہ دار سرکار کے خلاف اب کھلی مزاحمت ہوگی۔