اسلام آباد : آرمی چیف جنرل قمرجاویدباجوہ سےبشپ آف کینٹبری ،چرچ آف انگلینڈ کےسربراہ اور برطانوی ہائی کمشنر نے ملاقات کی ۔
آئی ایس پی آر کے مطابق آرمی چیف جنرل قمرجاویدباجوہ اور بشپ آف کینٹبری کے درمیان ملاقات میں باہمی دلچسپی، مذہبی اورباہمی ہم آہنگی کےامور پر تبادلہ خیال کیا گیا ۔ملاقات میں برطانوی ہائی کمشنر کرسچن ٹرنر بھی شریک تھے۔
آئی ایس پی آر کے مطابق اس موقع پر گفتگو کرتے ہوئے آرمی چیف جنرل قمر جاوید باجوہ نے پاکستان کے قیام اور ترقی میں مسیحی بھائیوں کے کردار کو سراہتے ہوئے کہا کہ مسیحی برادری نے صحت اور تعلیم کے شعبے میں قابل قدر کام کیا۔