لاہور: پتوکی میں میونسپل کمیٹی کے ملازمین نے کرسمس سے قبل تنخواہیں نا ملنے پر کچہری چوک پر احتجاج کیا اور کوڑا کرکٹ کے بھرے ٹرالے لگا کر کچہری چوک بلاک کردیا ۔ مظاہرین نے چیف آفیسر کے خلاف نعرے بازی کی اور جلد تنخواہیں ادا ئیگی کا مطالبہ کیا۔
پتوکی میں میونسپل کمیٹی کے خاکروبوں نے کرسمس سے قبل تنخواہیں نہ ملنے پر کچہری چوک پر کوڑے کرکٹ سے بھرے ٹرالے لگا کر سڑک کو بلاک کردیا ۔ مظاہرین نے آفیسر میونسپل کمیٹی کے خلاف شدید نعرے بازی کی ۔
مظاہرین کا کہنا تھا کہ ہمارے مذہبی تہوار پر ہمیں تنخواہ نہیں دی جارہی ہیں۔ کرسمس ڈے کے موقع پر خریداری کرنی ہے ۔تنخواہ ملے گی تو مذہبی تہوار منائیں گے لیکن چیف آفیسر کی ہٹ دھرمی کی وجہ سے تنخواہیں نہیں دی جارہی جو کہ مسیحی برادری پر ظلم ہے ۔
مسیحی برادری نے مطالبہ کیا کہ ہمیں کرسمس ڈے کے موقع پر نتخوایں دی جائیں تاکہ مذہبی تہوار خوشی سے منا سکیں۔