لاہور: وزیر اعلیٰ پنجاب حمزہ شہباز نے شمالی وزیرستان کے علاقے میرانشاہ میں خودکش دھماکے کی شدید مذمت کرتے ہوئے کہا کہ قیمتی جانوں کا نذرانہ پیش کرنے والے شہداء قوم کا افتخار ہیں۔
وزیر اعلی پنجاب حمزہ شہباز نے میرانشاہ دھماکے میں 3 سکیورٹی اہلکاروں اور 3 بچوں کی شہادت پر گہرے دکھ اور افسوس کا اظہارکیا۔انہوں نے شہداء خراج عقیدت پیش کرتے ہوئے شہداء کے اہل خانہ سے دلی ہمدردی و اظہار تعزیت کیا۔
حمزہ شہباز کا کہنا تھا کہ شہداء کے خاندانوں کےساتھ کھڑے ہیں۔ قیمتی جانوں کا نذرانہ پیش کرنے والے شہداء قوم کا افتخار ہیں۔ دہشت گرد اس دھرتی کا بوجھ ہیں، اتحاد کی قوت سے اس ناسور کا مکمل خاتمہ ہو گا۔