پاکستان میں گزشتہ 24 گھنٹوں میں کورونا کے باعث دو افراد انتقال کر گئے۔ مثبت کیسز کی شرح دو فیصد سے بھی کم ہو گئی۔
پاکستان میں گزشتہ 24 گھنٹوں کے دوران کورونا کے باعث مزید دو افراد انتقال کر گئے جبکہ مثبت کیسز کی شرح 2 فیصد سے بھی کم ریکارڈ کی گئی۔ قومی ادارہ صحت کے مطابق پاکستان میں گزشتہ 24 گھنٹوں کے دوران مزید 217 افراد میں کورونا وائرس کی تصدیق ہوئی ہے۔
گزشتہ 24 گھنٹوں میں ملک میں کورونا وائرس کے مزید 11 ہزار 285 ٹیسٹ کیے گئے۔کورونا کیسز کی شرح 1.92 فیصد ریکارڈ کی گئی۔ کورونا وائرس کے زیرِ علاج مریضوں میں سے 116 کی حالت تشویش ناک ہے۔
