اسلام آباد: اب شہری گھر پر ہی کورونا ٹیسٹ کر سکیں گے،ڈریپ نے عوام کو کورونا ٹیسٹنگ کٹ دستیابی کی منظوری دے دی نوٹیفکیشن جاری کردیا گیا۔
ڈرگ ریگولیٹری اتھارٹی نے کورونا ٹیسٹنگ کٹ کی فروخت کی اجازت دے دی ہے۔ نوٹیفیکشن کے مطابق میڈیکل ڈیوائس بورڈ کی متفقہ منظوری سے فیصلہ کیا گیا ہے، یہ کٹ میڈیکل اسٹورز اور فارمسی پر دستیاب ہوگی اب عوام گھر پر خود ہی اپنا کورونا ٹیسٹ کر سکیں گے۔ اس سے وقت کی بچت اور کورونا کے پھیلاؤ میں کمی میں مدد مل سکے گی۔ اس سے قبل سیلف کورونا ٹیسٹ کٹس مارکیٹ میں موجود تو تھی لیکن اس کی فروخت کی اجازت نہیں تھی۔